Kryeministri i Republikës së Kosovës, Albin Kurti, është pritur në takim nga Ministrja e Jashtme e Republikës Federale të Gjermanisë, Annalena Baerbock.
Duke e falënderuar ministren Baerbock për qasjen parimore dhe qëndrimin e saj aktiv pro-evropian, kryeministri Kurti theksoi lidhjen e fortë dhe të veçantë të Republikës së Kosovës me Republikës Federale të Gjermanisë, njofton zyra e Kryeministrit.
Ministrja vlerësoi mbështetjen e Kosovës dhe pozicionimin me Bashkimin Evropian, duke vendosur sanksione kundër Rusisë dhe gatishmërinë për strehim të refugjatëve nga Ukraina, shkruan arbresh.info.
Në takimin e përbashkët me ministrin e Financave, Punës dhe Transfereve, Hekuran Murati, u bisedua për mundësitë në rritje për bashkëpunim dypalësh ndërmjet të dyja vendeve dhe takimeve më të shpeshta ndërmjet ministrave.
Kryeministri Kurti veçoi potencialin për investime në Kosovë dhe mërgatën e madhe të Kosovës në Gjermani. U bisedua për domosdoshmërinë e fazave të reja të bashkëpunimit, me theks në investime ekonomike dhe në fushën e arsimit dhe aftësimit profesional.
Kryeministri theksoi përkrahjen e fuqishme të Qeverisë së Republikës së Kosovës për Procesin e Berlinit, rolin konstruktiv të Kosovës në bashkëpunimin rajonal si dhe në procesin e dialogut. Ai i foli për të arriturat e Qeverisë së Republikës së Kosovës në këtë vit qeverisje, veçanërisht luftën kundër krimit dhe korrupsionit.
Puna në luftimin e korrupsionit në Kosovë është sinjal i mirë dhe shembull për vendet e tjera, tha Ministrja Baerbok.
Ajo rikonfirmoi mbështetjen e Republikës Federale të Gjermanisë në procesin e liberalizimit të vizave për qytetarët e Kosovës./arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite